Fréttir

Að venju var líf og fjör hjá okkur í dag - enda öskudagur! Nemendur klæddu sig uppá í tilefni dagsins, marseruðu, slógu köttinn úr tunnunni og kepptu í limbó.

Þá er nýtt vinaliðatímabil hafið og að þessu sinni var dregið úr nöfnum þeirra sem buðu sig fram. Þau nöfn sem komu upp úr pottinum eru; Þorsteinn Ivan, Sara, Rafael Rökkvi, Aron Smári, Sigursteinn og Jódís Eva. Boðað verður til fundar með þessum flottu krökkum í vikunni og hefja þau svo störf. Þeim sem láta af störfum núna, eftir haustönnina, eru þökkuð góð störf ;)

Þorrablót var haldið í skólanum í byrjun þorra, við borðuðum öll saman þorramat og dönsuðum gömludansana.

Þrettándagleðin var fjörug að vanda, nemendur voru með kynningar á verkefnum sínum, samsöngur nemenda, spurningakeppni sem Stefán Bogi sá um og var stór skemmtileg og spennandi, kaffiveitingar og flugeldasýning í lok dags.