Um leikskólann

Í Brúarási er rekinn einnar deildar leikskóli með nemendur á aldrinum eins til sex ára. Skólinn rúmar um 11 nemendur samtímis. Skólatíminn er mjög sveigjanlegur eða allt frá því að nemendur geti komið einu sinni í viku í það að vera alla daga vikunnar. Leikskólinn er í skólabyggingunni að Brúarási í björtu og fallegu húsnæði.

Leikskólinn er partur af samrekinni skólastofnun í Brúarási og mikið flæði milli skólastiga, bæði með nemendur og starfsfólk. Starfstími leikskólans er frá fyrstu starfsdögum grunnskólans til þess síðasta á vorin.

Skólanámskrá er við skólann. Þar er Aðalnámskrá leikskóla höfð til grundvallar svo og lög um leikskóla. Stuðst er við uppeldiskenningu Deweys, sem gerir ráð fyrir að unnið sé út frá umhverfi nemendanna og að þau læri með því að framkvæma í gegnum leik.

Megináherslur í daglegu starfi eru leikur, gleði, sköpun, hreyfing og útivera.

Heimasíða leikskólans er: Leikskólinn Brúarás (mulathing.is)