Fréttir

Í dag var uppáhaldsdagurinn okkar allra, gæludýradagurinn. Það komu alls konar unaðsdýr í heimsókn. allt frá fuglum til geita!

Síðasta fimmtudag tókum við upp kartöflur og grænmeti í sólskini. Uppskeran var góð. Nemendum gafst kostur á að taka með sér kartöflur heim.

Í lok maí fóru nemendur í 9. og 10.bekk í skólaferðalag til Danmerkur. Við byrjuðum í Billund þar sem við fórum í Lalandia og Legoland. Fórum svo til Köben og þar gerðum við margt skemmtilegt; fórum í dýragarð, tívolí, leigðum okkur hjól og stukkum í sjóinn svo eitthvað sé nefnt. Við vorum afar heppin með veður - og erum við öll sammála um að ferðin hafi verið frábær í alla staði.

Nemendur í 7.-8. bekk taka þátt í Háskólalestinni föstudaginn 25. maí. Á laugardeginum 26. maí er síðan fjör og fræðsla fyrir alla fjölskylduna, vísindaveisla milli 12-16 í Egilsstaðaskóla. Endilega kíkja við með krakkana.

Vortónleikar Tónlistaskólans voru haldnir 3. maí. Tónleikarnir voru mjög vel heppnaðir þ.s. fram komu allir nemendur skólans bæði í samspili og í einleik á hin ýmsu hljóðfæri. Verkefnin þeirra voru flest ný og nokkur lög spiluð frá árshátíðinni okkar, einnig var flutt frumsamið lag sem Guðrún Katrín í 3. bekk samdi og söng sjálf við undirspil Jóns Arngríms og Hafþórs Snjólfs.