Skólaárið 2014-15

Nokkrar myndir sem Raggý tók á skólaslitunum.

Síðustu myndir þessa skólaárs, t.d. fórum við í kartöflugarðinn, höfðum útidótadag og fleira.

Brúarásskóla var slitið miðvikudaginn 3. júní við nokkuð hátíðlega athöfn. Viðurkenningar voru veittar fyrir prúðmennsku og lestur og ýmislegt fleira, nokkrar starfskonur kvaddar og sagt frá þeim sem koma í staðinn. Við biðjum ykkur öll vel að lifa í bili - hafið það gott í sumar!

Þótt ekki blési vorlega í morgun brugðum við okkur í vorferð á Eskifjörð og skoðuðum göngin sem er verið að búa til, fórum á Stríðsárasafnið á Reyðarfirði, grilluðum hamborgara og fórum svo í sund. Það rættist verulega úr deginum og þetta varð bara verulega gott allt saman.

Í dag máluðu nemendur steinaþorp, gróðursettu tré og léku sér úti í sæmilegu veðri. Ljósmyndarinn leit líka við á kennarastofunni og tók nokkrar myndir af þreytulegum en brosmildum kennurum. Góða helgi, öll!

Og svo var farið í kartöflugarðinn - þessir dugnaðarkrakkar settu niður kartöflur og grænmeti sem vonandi dafnar vel í sumar.