Fréttir

Bleiki dagurinn er vinsæll og allir duglegir að finna bleiku fötin sín í tilefni dagsins. Við njótum dagsins saman og vekjum um leið athygli á átaki Bleiku slaufunnar og baráttunni gegn krabbameinum hjá konum.

Við fengum nýjan hana að gjöf frá Hallormsstað. Haninn fékk nafnið Ross Poldark og varð líf og fjör í Dýrahúsinu þegar hann mætti á svæðið.

Nemendur í 1. – 5. bekk kynntu fyrsta Brúarverkefni haustsins sem fjallaði um jarðveginn. Þau unnu verkefni um mikilvægi ánamaðka fyrir jarðveginn og gerðu ýmsar mælingar og fleiri skemmtileg og fróðleg verkefni tengd jarðveginum.

Í vorferðinni var stefnan tekin upp í Fljótsdal til að skoða Óbyggðasetur sem er ævintýri líkast og mjög skemmtilegt að upplifa og finna sterkt fyrir gömlum tíma í óbyggðum landsins. Eftir leiðsögn um safnið var grillað og leikið sér, skoðuðum gamlan kláf sem er stutt frá bænum og kemst maður með honum yfir Jökulsá á Fljótsdal. Á leiðinni heim var stoppað í Atlavík fyrir nesti og að njóta skógarins.